Escolars

VisiteScolaires02_SiteMJA

Despuish 2003, lo Musèu Joana de Labrit qu’a hicat en plaça obraders pedagogics entaus grops escolars entà que l’exposicion e corresponi au mei plan aus besonhs de l’ensenhament balhat hens las escòlas, los collègis e los licèus.

Si l’exposicion permanenta e presenta l’istòria deu protestantisme en Bearn de las prumerias dinc au començament deu sègle XXau, la diversitat de las collecions deu musèu (estampas, medalhas, fotografias …) qu’ei ua ressorça preciosa entaus ensenhaires de l’ensenhament primari e deus licèus.

/// Istòria deu protestantisme en Bearn

Los escolans que segueishen ua visita guidada de la prumèra partida deu musèu. Que’us ajuda a tornar compausar l’istòria de la Refòrma en Bearn e en França deu sègle XVIau dinc a la Revolucion francesa. Un quasernet de visita a completar que serveish tà estimular l’atencion de l’escolan e fixar los eveniments importants gràcias a un apròchi ludic.

La visita que pòt estar coplada dab ua descobèrta de la glèisa Sent Peir e deu temple de la glèisa protestanta unida. Atau los aprenents que pòden descobrir las diferéncias enter protestantisme e catolicisme en tot visitar los lòcs de culte.

/// Sus las peadas de Joana de Labrit…

VisiteScolaires03_SiteMJA

 

La visita guidada deu musèu que’s pòt completar dab ua visita de la vila, aperada « Sus las peadas de Joana de Labrit ». En tot caminar per las carrèras de la vila istorica que descobritz l’istòria deu Bearn gràcias au riquèr deu patrimòni arquitecturau, e aus lòcs de memòri qui pontuan lo caminament : Ostau de Joana de Labrit, Academia protestanta, pont vielh, enclaus protestant, glèisa Sent Pèir, temple de la glèisa protestanta unida.

/// Visitas tematicas

Que responen mei precisament au programa d’istòria de las arts.

Imatge e poder : tribalh sus los portrèits de reis e reinas de França e de Navarra per l’observacion  d’òbras divèrsas (gravaduras, medalhas…)

Auts tèmas possibles : la gravadura (obrader practic), la laïcitat… N’esítitz pas a’ns contactar sus auts tèmas.

Cada visita o obrader que dura ua òra, ça o la. Entà preparar la vienuda au musèu qu’invitam los ensenhants a viéner audavant tà ua visita preparatòria. Que’us balharam un dossièr pedagogic entà que poishquin preparar en classa la visita au musèu.

Tarifa : 1,50 € / aprenent

05.59.69.14.03 o Contact

Oraris

Ouvert toute l’année du mardi au samedi

Jusqu’au 31 mars : 14h – 18h

Visite guidée à 15h

Du 1er avril au 31 octobre :
> 10h – 12h / 14h – 18h

Visites guidées tous les jours à 10h30 & 15h (durée : 1h)

Fermeture annuelle les trois dernières semaines de janvier et pendant les fêtes d’Orthez