Bastissi

/// Ua autentica maison de Joana de Labrit

Au còr d’Ortès, la maison de Joana de Labrit que pòrta plan lo son nom. En efèit qu’apartiengó  a la reina com ac certifican las letras patentas deu 30 de noveme de 1555, enregistradas lo 5 de mai de 1556. Qu’indiquan que aquera mansa borguesa estó balhada a la reina Joana per Arnaut de Gachissans, senhor de Salas, un deus sons pròches collaborators, en escambi de letras de noblessa. La sobirana que volè aver ua maison tà on demorar quan vienèva a Ortès.

/// Un edifici de la Renaishença

Façade de la maison Jeanne d'Albret

Façade de la maison Jeanne d’Albret

La maison qu’estó bastida enter lo sègle XVau e lo XVIau. Qu’a la fòrma d’ua « L » alongada enter dus patis. Un petit pati empavat d’arrebòts qu’obreish sus la carrèra Bourg-Vieux e l’aute, mei gran, a l’interior.

Sus la part de davant qui obreish sus la carrèra, qu’admiram las frinèstas dab mainèus deu sègle XVIau.  Quan èm hens lo pati interior que seguim l’evolucion de la construccion en analizar los diferents tipes d’oberturas. Peu costat de la carrèra qu’entram au musèu per un escalèr videlha de pèiratalha suberbèth, encastrat hens ua torreta octogonau qui arreliga las duas alas de la maison. Hens lo pati interior que descobrim un putz e un colomèr deu sègle XVIIau. Qu’èra lo privilègi de las maisons nòbles. La murralha d’empara deu casau, de cap a l’avienguda de la Moteta, qu’ei un deus rèstes de l’embarri de la vila.

/// Ua bastissi classificada

Jardin de la Maison Jeanne d'Albret

Jardin de la Maison Jeanne d’Albret

En 1929, la maison qu’estó inscriuta a l’inventari suplementari deus monuments istorics. Los davants, los teits de las bastissis Nòrd et Èst, lo colomèr e l’escalèr videlha de la torreta qu’estón classificats en 1974. La vila d’Ortès que crompè la maison en 1980 e los davants,  los teits e las salas de l’ala èst qu’estón restaurats lavetz. Las salas de l’ala oèst que son a restaurar.

Lèu

  1. Jeanne, dans l’intimité d’un reine

    07 March à 14 h 00 min - 30 March à 18 h 00 min

Oraris

Du 30 janvier au 30 mars :

Ouvert du mardi au samedi, de 14h à 18h, visites guidées à 15h

Fermeture annuelle du samedi 6 janvier 2024 au soir au mardi 30 janvier à 14h, merci.