Amics deu musèu

/// Quin aderir ?

Visite guidée

Visite guidée

L’associacion Musèu Joana de Labrit, istòria deu protestantisme bearnés, qu’administra lo musèu de medish nom qui ei installat a Ortès hens la Maison de Joana de Labrit, classificada monument istoric. Qu’ei proprietària de las colleccions expausadas o depositària de documents contant l’istòria deu protestantisme qui merquèn poderosament Bearn e tanben França. Qu’anima lo musèu en organizar visitas, exposicions temporàrias e conferéncias qui entran hens las animacions culturaus de la vila d’Ortès. D’auta part, que tribalha a enriquir las soas colleccions en recebent dons, depòsits o per crompas pontuaus. Entad aquò que s’empara sus los sons adherents qui per la lor cotiza ajudan tà continuar ua politica d’aquisicion.

Si voletz sostiéner l’associacion, que’vs sufeish de renviar lo butletin d’adesion (telecargar ací)

L’entrada au musèu qu’ei a gratis entaus aderents quitis de cotiza. Que receben tanben ua letra d’informacion semestrau e que son envitats a totas las animacions organizadas per l’associacion

Membre aderent : 15 € ; membre ben.heitor : 30 € ; estudiant, desemplegat qui cèrca un emplec : 5 €

Se la vòsta cotiza ei de 30 € o mei, que receberatz un recebut fiscau.

 

/// Vàder benevòle

Despuish la soa creacion lo Musèu Joana de Labrit qu’ei animat per ua equipa de benevòles qui participan a la preservacion de l’istòria e deu patrimòni bearnés. Per la lor accion qu’an ajudat lo musèu a vàder un siti culturau important deu Bearn deus Gaves. Si l’activitat e s’ei mei anar mei professionalizada, lo benevolat que demora la basa sus laquoau e s’emparan los salariats. Amassa, que hèn un vertadèr tribalh d’equipa. Pausas de convivialitat que pontuan l’annada (repeishs, vernissatges…) e que dan lo parat de téisher ligams hòrts enter los diferents actors deu musèu.

Soirée bénevoles

Soirée bénevoles

Aqueth engatjament benevòle que pren fòrmas hòrt divèrsas. Tota ajuda, que sia pontuau o regulara, ei planvenguda. Uei, dens la màger part deus cas, los benevòles que vienen passar miei dia per setmana au musèu. Las missions que son variadas : arcuelh, visitas guidadas, animacions pedagogicas… Mes d’autas fòrmas de benevolat que son possiblas entà acompanhar eveniments excepcionaus com las expausicions temporaus. D’auta part, l’equipa deu musèu qu’a entinoat ua operacion d’inventari de las soas colleccions. Aqueth tribalh, hèit en collaboracion estreta enter salariats e benevòles qu’ei lo parat d’establir contacts privilegiats dab las òbras deu musèu. Entad aquò ne’s requereish pas nada competéncia particulara. Que cau viéner sonque dab bona volontat, bona umor e hami de participar a l’animacion culturau deu Bearn deus Gaves.

Lèu

  1. Jeanne, dans l’intimité d’un reine

    07 March à 14 h 00 min - 30 March à 18 h 00 min

Oraris

Du 30 janvier au 30 mars :

Ouvert du mardi au samedi, de 14h à 18h, visites guidées à 15h

Fermeture annuelle du samedi 6 janvier 2024 au soir au mardi 30 janvier à 14h, merci.