Lo Musèu Joana de Labrit, istòria deu protestantisme bearnés, que v’invita a descobrir quate sègles d’istòria en Bearn, de las originas de la Refòrma dinc au començament deu sègle XXau. Alotjada hens la Maison de Joana de Labrit, ua mansa borguesa deu sègle XVau au còr de la vila d’Ortès (Pirenèus Atlantics), l’exposicion permanenta que conta lo caminament estonant deus huganauts, en seguir los eveniments bearnés e francés.
Qui ei Joana de Labrit ? La mair de Enric IV, segur. Mes, qui sap lo ròtle decisiu que joguè en Bearn ? Calvinista convençuda, que governè aqueth petit país independent e que’u voló transformar en Estat protestant. Or donc, las suas causidas religiosas qu’avón ua portada qui passè dehèt la durada deu son règne ; qu’an mercat en pregondor la memòria e tanben la sociologia bearnesa.
Pr’amor de quò, l’istòria deus protestants qu’ei intimament associada a la de Bearn. Aqueth caminament comun, lo Musèu Joana de Labrit que’u conta en passar los moments fondamentaus : guèrras de religion, persecucions, clandestinitat, laïcitat, missions….. e en evocar las granas figuras de Joana de Labrit e deus sons mainats : Enric IV e Catalina de Borbon, Elisèu Reclus, Felix Pecaut, Eugèni Casalis, Albèrt Cadier…
